Ikaupat gipatumba

Ikaupat gyud gipahayang sa ring ni Mikey Garcia si Mexican Orlando Salido aron mailog ang WBO featherweight title kagahapon didto sa Madison Square Garden.

Si Garcia igsuon ni Robert Garcia ang sikat nga trainer ni four-division world champion Nonito Donaire.

Barako striktuhon ni Toroman

Gipahimangnuan ni Serbian coach Rajko Toroman ang iyang mga players sa Barako Bull Energy Boosters nga di magtinapol atol sa practice.

Si Toroman nagkanayon nga strikto siya kun ensayo ang hisgutan tungod kay mao kini ang bugtong paagi aron mulampos ang usa ka koponan.

Nowitzki gisayangan sa All-Star

Nasubo si German NBA superstar Dirk Nowitzki tungod kay pakyas siya pagsulod sa All-Star aron morepresentar sa Dallas Mavericks.

Ang kanhi MVP nga si Nowitzki wala malakip sa mga NBA players nga moduwa sa All-Star tungod usab kay wala kaayo siya makapakita og aksyon uban sa Mavs tungod sa injury.

Belfort mi-KO ni Bisping

Gipakita ni Brazilian Vitor Belfort ang iyang kabangis human niya gi-TKO sa second round ang British nga si Michael Bisping kagahapon sa Ultimate Fighting Championship.

Si Belfort migamit sa iyang high-kick aron mapatumba si Bisping sa wala pa niya kini tiwasi pinaagi sa pagdabo-dabo og kulata.