Galedo, Valenzuela paborito sa 2013 LBC Ronda Pilipinas

ZAMBOANGA CITY, Philippines  -- Inaasahang aabangan sina 2012 champion Mark Ga­ledo at Irish Valenzuela pa­ra sa kanilang mga ko­po­nang Roadbike Philippines at LPGMA-American Vinyl sa pagpadyak ng 3rd LBC Ronda Pilipinas 2013 nga­yon tampok ang isang 132.2-kilometer Stage One na magsisimula dito at mag­tatapos sa Ipil sa Sibugay.

Paborito ang 27-an­yos na si Galedo para sa kan­yang ikalawang sunod na korona, habang ang 26-anyos na si Valenzu­ela ang sinasabing makaka­pigil sa kanya sa nasabing 16-leg, 21-day, 2,200-kilo­me­ter tour.

Ang cycling event ay may kabuuang premyong P7.5 milyon.

Sina Galedo at Valenzu­ela ay tumapos bilang No. 1 at No. 2 sa nakaraang edis­yon ng 15-lap race.

Ang napanalunan ni Galedo na P1 milyon no­ong nakaraang taon ay kan­­yang ginastos para sa ka­­nilang pagpapakasal ng nobyang si Grace Alon no­ong Disyembre12.

Pinapagaling naman ni Valenzuela ang kanyang left shoulder injury na kanyang nalasap sa pagsasa­nay sa rice terraces ng Ba­­naue noong Disyembre.

Idinagdag ng Roadbike Phl sa kanilang tropa sina sprinters Ronnel Hualda at Alfie Catalan at climber Har­vey Sicam.