Ex-nba players moduwa sa pba
CEBU, Philippines - Mosamot unya kanindot ang aksiyon sa Philippine Basketball Association (PBA) sa nagsingabot nga Commissioner’s Cup gumikan kay pipila ka mga kanhi magduduwa sa National Basketball Association (NBA) ang moduwa isip imports.
Nagsige pa ang kumbati sa 2012 PBA Philippine Cup, apan nagsugod na'g pangandam ang mga koponan ilabi na niadtong sayong natagak sa playoffs aron palig-onon ang ilang koponan alang sa sunod conference nga sugdan sa Pebrero.
Ang Petron Blaze Boosters unang mipahibalo nga ilang kuhaong import si 6-foot-8 Renaldo Balkman, ang kanhi magduduwa sa New York Knicks.
Gani si Balkman gikataho nga moabot sa Pilipinas sunod semana aron mag-ensayo uban sa Petron.
Ang Rain or Shine Elasto Painters nga bag-o lang misakmit sa finals slot sa nagpadayong PBA Philippine Cup giingong mikuha sa 7-foot-3 Croatian center nga si Bruno Sundov, kinsa miduwa kaniadto sa Dallas Mavericks ug sa Boston Celtics.
Dili usab magpaperi ang Barangay Ginebra San Miguel dihang ilang gikuha ang serbisyo ni Herbert Hill, kanhi player sa Utah Jazz.
Ang bag-o lang nga free-agent sa Memphis Grizzlies nga si Michael Dunigan gikuhang import sa Air21 Express.
Padayon usab karon ang negosasyon tali sa Alaska Aces ngadto ni kanhi Los Angeles Lakers center DJ Mbenga ug ang
Barako Bull Energy Boosters ngadto ni kanhi Washington Wizards Al Thornton.
- Latest
