Rulls Bakeshop, Mega L.A. nakauna

CEBU, Philippines -   Nakuha sa Rulls Bakeshop ug Mega L.A. ang pabor sa serye human sa ilang kadaugan batok sa tagsa-tagsa nilang kaatbang sa  semis sa Lapu-Lapu Sports Club (LLSC) basketball tournament 2012 didto sa Agus  basketball court sa maong siyudad.

 Ang Rulls Bakeshop ni  Rupert Canizar mipukan sa ACP Megabond ni Neil Belga sa iskor nga 69-65 ubos sa pagpangulo ni Allan Sepe, kinsa mikadlit og 21 puntos, gisundan ni Edwin Amistad nga adunay 14 puntos.
 Samtang ang pilderong ACP Megabond gipangulohan sab ni Bernard Arac sa iyang 16 puntos.
 Sa laing bahin, ang Mega L.A. ni Lheo Almacin mibuntog sa Aries Lending ni Tito Francisco sa iskor nga 85-80.
 Tulo ka players sa Mega L.A. ang miiskor og double figures nga gipangulohan ni Pompy Ngujo, kinsa mipabuhagay og 30 puntos. Si Gil Booc mitimang og 24 puntos, samtang si Rene Cuadra mitimbre og 19 puntos.
 Si Arnel Patalinghug mao sab ang nangu sa Aries Lending pinaagi sa iyang 24 puntos, gisundan ni Rey Sandal nga mitikdol og 19 puntos ug Leandon Artiaga nga adunay 10 puntos. (BANAT NEWS)

 
 
PUNTOS MATAG USA

Unang duwa:
 RULLS BAKESHOP (69)  - Sepe 21, Amistad 14, Tempurada 8, Cortez 8, Celiz 6, Lachete 6, Oyao 4, Geraldez 2
 ACP MEGABOND (65) - Arac 16, Hesalta 15, Damolo 11, Oyao 10, Tibudan 8, Montero 5

Ikaduhang duwa:
 MEGA L.A. (85) - Ngujo 30, Booc 24, Cuadra 19, Almacin 6, Gutib 4, Aparta 2
 ARIES LENDING (80) - Patalinghug 24, Sandal 19, Artiaga 10, Bergara 9, Miranda 8, Inot 8, Francisco 2