Jonher midaog sa Cebu Holdings
CEBU, Philippines - Gidemolis sa Jonher Merchandise ni team owner Jojie Espina ang Cebu Holdings Ayala, 86-48 niadtong Miyerkules sa gabii sa 4th Inter-Merchants League basketball tournament didto sa Pope John Seminary covered court didto sa barangay Mabolo.
Si Jonher Espina nga sakop sa CIT-U Wildkitten maoy mibaswat sa iyang team pinaagi sa pag-iskor og 23 puntos diin 12 niini nahimo sa first period.
Misalga sab sa opensa silang Joppy Gacayan ug Bong Lopez nga nagkumboya og 31 puntos alang sa Jonher, kinsa wala na molingi pa human milabaw og 31 puntos, 55-24 sa halftime.
Sa sayo pa, ang Radisson Blu Hotel midaog sab pinaagi sa paglubong sa Diamond Suites Hotel sa iskor nga 86-68.
Si Brian Gonzales maoy nangu sa Radisson Blu Hotel nga mikulit og 16 puntos, gisundan ni Romulo Gimenez nga adunay 14 puntos.
PUNTOS MATAG USA
Unang duwa:
RADISSON (86) - Gonzales 16, Gimenez 14, Tamparong 13, Ludovico 11, Perales 8, Gubat 6, Alviu 4, Manlunas 4, Quijada 2, Raga 2, Epile 2
DIAMOND (68) - James 22, Alberio 15, Lunar 11, Godarido 6, Quijano 4, Ricky 4, Marcelo 4, Socrates 2, Samson 2
JONHER (86) - Espina 23, Gacayan 18, Lopez 13, Elardo 9, Ceniza 8, Mingueto 8, Fajardo 7
HOLDINGS (48) - Catadman 16, Pastedio 14, Quinlab 4, Abarrientos 4, Arriola 4, Montaner 2, Maglinte 2, Quizon 2 (BANAT SPORTS)
- Latest
