Mares midesisyon ni Moreno

Nadepensaan ni Mexican Abner Mares ang iyang WBC super bantamweight title pinaagi sa unanimous decision batok ni Panamanian Anselmo Moreno kagahapon didto sa Los Angeles.

Nasayran nga ang mudaog tali nila ni Mares ug Moreno giplanohan nga iparang ni Filipino boxing superstar Nonito Donaire sunod tuig.

Le mipatug ni Franklin

Us aka one-punch knockout ang gibuhat ni Vietnamese-American Cung Le aron patulgon ang veteran Mixed Martial Arts (MMA) fighter nga si Rich Franklin sa main event sa UFC Macau kagahapon.

Si Le mihatag og garbo sa mga Asyano pinaagi sa pagpukan ni Franklin sa first round sa labing unang UFC card nga gipahigayun sa China.

Klitschko midaog nasab

Sa makausa pa, nadepensaan na usab ni heavyweight champion Wladimir Klitschko ang iyang WBO, IBF ug IBO titles dihang iyang gikulata ang challenger nga si Mariusz Wach.

Si Klitschko uban ang iyang igsuon nga si Vitali kinsa maoy WBC ug WBA champion mao ang giisip nga duha ka hari sa heavyweight division.

UFC moabot sa Pilipinas

Misaad si Ultimate Fighting Championship (UFC) managing director Mark Fisher nga masaksihan na sa mga Pinoy Mixed Martial Arts (MMA) fans ang maong sikat nga MMA tournament dinhi mismo sa nasud.

Si Fisher mibutyag nga nagplano na sila og usa ka dakung MMA card dinhi sa nasud diin moaway ang mga sikat nga international Pinoy MMA fighters