San Isidro, Cansojong, San Roque hari sa Talisay City Mayor's Cup 2012

CEBU, Philippines - Usa ka mainitong rally sa final period ang gisaligan sa Brgy. Dumlog pagpilde sa Brgy. San Isidro, 97-89 aron maangkon ang korona sa senior’s division sa Talisay City Mayor’s Cup sa miaging gabii didto sa Talisay City Sports Complex.

Naglabaw unta ang Brgy. San Isidro sa unang tulo ka kuwarter, 69-67, apan gipakuratan sila sa Brgy. Dumlog pinaagi sa pagpabuto og 20-9 run   sa pagpangulo ni MVP Christopher Obeso, kinsa miiskor og 15 puntos sa final period nga maoy yawi sa ilang kadaugan.

Si Obeso maoy leading scorer sa Brgy. Dumlog pinaagi sa iyang 31 puntos, gisundan ni Giovanni Tabay nga adunay 19 puntos.

Sa laing bahin, ang naparot nga Brgy. San Isidro gipangulohan ni Joshua Dela Cerna, kinsa mirehistro og 29 puntos, gisundan ni Richard Gutana nga adunay 23 puntos.

Sa laing aksiyon, gilubong sa Brgy. Cansojong ang karibal nga Brgy. Lagtang, 99-86 aron ugkaton ang korona sa open division.

Gipangulohan ni Duprey Reyes ang kadaugan pinaagi sa iyang 24 puntos.

Sa Sangguniang Kabataan (SK) division, gisakmit sa Brgy. San Roque ang korona dihang ilang gipaluhod ang Brgy. Poblacion sa iskor nga 63-53 sa pagpangulo nilang Ryan Labajo ug Edrian Abarquez nga miiskor og 15 puntos matag usa. (BANAT SPORTS)