Allyn & Sons subha'g daog sa Power 40

CEBU, Philippines - Impresibong daog ang misugat sa Allyn & Sons dihang ilang gilubong ang Jinject Commando, 119-101 sa Power Forty Christmas League sa miaging gabii didto sa Inayawan Sports Complex.

Sa laing duwa, ang Ang Tibay Mo nakarekober gikan sa ilang kapildihan sa opening day ug maoy gipahimungtan ang Alfa Electrical Supply pinaagi sa paglubong sa iskor nga 130-108.

Lima ka players sa Allyn & Sons ang mirehistro og double figures nga gipangulohan nilang Nestor Javierto ug Melvin Caumeran nga miposa og 21 ug 19 puntos matag usa.

Nagmangtas sab silang Julian Capala, Dodong Piezas ug Carding Vernaiz nga nakatampo sab og daku.

Si Joel Cañete, kinsa bag-o lang mikulit og scoring record sa Power Forty nga 69 puntos mao gihapon ang nangu sa Jinjec Commando nga mipabuto og 45 puntos. Si Jon Cañete midugang og 18 puntos ug si Jun Tantay miamot og 14 puntos alang sa 1-1 nga Jinjec Commando.

Sa laing bahin, si Fernando Sumargo mihakot og 37 puntos pangulohan ang Ang Tibay Mo, gisundan ni Edwin Dejacto nga adunay 29 puntos. Si Celso Cabaluna mitikdol og 26 puntos, samtang sila si Loloy Dejarme ug Cesar Gaviola nagkumboya og 22 puntos.

Mikulit og career-high 45 puntos si Macmac Navares alang sa Alfa Electrical Supply, samtang   si Allan dela Rama midugang og 20 puntos.

Puntos Matag Usa

Unang duwa:

Allyn & Sons (119) - Javierto 21, Caumeran 19, Capala 18, Piezas 17, Vernaiz 16, Canedo 9, Pestano 5, Lawas 4, Cabae 4, Plarizan 2

Jinjec Commando (101) - J. Canete 45, Canete 18, Tantay 14, Navares 7 Dumale 6, Atillo 5

Ikaduhang duwa:

Ang Tibay Mo (130) - Sumargo 37, Dejacto 29, Cabaluna 26, Dejarme 12, Gaviola 10, Chiong 9, Nacario 7

Alfa Electrical Supply (108) - Navares 45, Dela Rama 20, Labalan 11, Kalinga 11, Sabejon 10, Abellana 7, Filosopo 2 (BANAT NEWS)