Cañete mikulit rekord sa Power 40

CEBU, Philippines - Midughit og rekord nga 69 puntos si Joel Cañete aron pangulohan ang Jinjec Commando ngadto sa makabungog nga kadaugan batok sa Ang Tibay Mo, 163-129 sa pagbukas sa Power Forty Christmas League didto sa Inayawan Sports Complex.

Sa laing duwa, ang Talisay Basketball Association (TBA) 40 Above midaog batok sa defending champion UTASSCO Utility sa iskor nga 94-91.

Si Joel gisundan sa iyang manghod nga si Jun Cañete, kinsa mihakot og 37. Laing tulo nila ka teammates ang miiskor sab og double figures.

Si Celso Cabaluna maoy nangu sa Ang Tibay Mo pinaagi sa iyang 37 puntos, gisundan ni Cesar Gaviola nga miposa'g 21 puntos. Sila si Eric Chiong, Loloy Dejame ug Edwin Dejacto mikulit sab og double figures.

Sa laing bahin, lima ka players sa TBA ang mikabkab og double figures nga gipangulohan ni Cocoy Dequit sa iyang 17 puntos. Gisundan nilang Kowal Campo ug Albert Bascon nga nagkumboya og 31 puntos. Si Takyo Vernaiz miamot og 12 puntos ug si Albert Abarquez mitampo og 11 puntos. 

Unom ka players sa UTASSCO ang nakahimo’g double figures nga gipangulohan ni Wilbor Cabrera, kinsa miposa og 16 puntos. Si  Atty. Flor Yosores miabuno og 15 puntos, si Fernando Sumargo midugang og 14 puntos.

Silang Michael Veloso, Alex Mercado ug Teddy Ebrado parehong mitikdol og 10 puntos alang sa UTASSCO. (BANAT)

PUNTOS MATAG USA

Unang duwa:

Jinjec Commando (163) - J. Canete 69, Canete 37, Atillo 17, Dumale 16, Cabatas 10, Navares 9, Dayota 6

Ang Tibay Mo (129) - Cabaluna 37, Chiong 18, Dejarme 15, Dejacto 12, Nacario 10, Gaviola 10, Abasolo 9

Ikaduhang duwa:

TBA 40 Above (94) - Dequit 17, Campo 16, Bascon 15, Vernaiz 12, Abarquez 11, Gavas 5, Mabuyo 4, Utos 3, Cedeno 2

UTASSCO (91) - Cabrera 16, Yosores 15, Sumargo 14, Veloso 10, Mercado 10, Abarquez 7, Echavez 4