Rollway, JB Aquatic daog sa tune-up game

CEBU, Philippines - Midaog ang Rollway Customs Brokerage ug JB Aquatic batok sa tagsa-tagsa nilang kaatbang atol sa tune-up games sa Lapu-Lapu Sports Club sa miaging gabii didto sa Crown Regency Hotels and Resorts gym sa Lapu-Lapu City.

Ang Rollway Customs Brokerage ni Rolly de la Pieza mibuntog sa Rulls Cellphone Accessories ni Rupert Canizar sa iskor nga 85-79, samtang ang JB Aquatic ni Neil Belga naka-ipsot batok sa RoRo Transport ni Roilan Sumilang, 76-75.

Karong gabii, magsangka ang Aries Lending ni Tito Francisco batok sa VKK Divers ni Victor Malingin sa pasiunang duwa sa alas-7 gabii, ang Verlex-Lapulapu Electronics ni Alex Dignos moharong sa Orya Farms ni Roger Ompad, sundan sa duwa tali sa AJY Bong ni Alan Yu ug Ball Holics ni Noli Paquibot.

Ang tune-up games agi'g pagpangandam alang sa mga koponan sa pagbukas sa Lapu-Lapu Sports Club basketball tournament nga sugdan sa Septiyembre 23 didto gihapon sa Crown Regency gym. (BANAT NEWS)