Sa US Open finals Serena paboritong manalo kay Azarenka
NEW YORK--Itinakda nina Serena Williams at Victoria Azarenka ang kanilang finals showdown sa U.S. Open matapos manaig sa kani-kanilang laro sa semifinals.
Tinalo ni Williams si Italian Sara Errani, 6-1 6-2, habang pinatalsik ni Azarenka si Maria Sharapova, 3-6, 6-2, 6-4, dito sa Flushing Meadows.
Sa kanyang pagkopo sa pang-lima niyang Wimbledon title noong Hulyo at panalo sa Olympic singles at doubles events sa London Games, magiging paborito si Williams sa kanilang laban ni Azarenka.
“I think it will probably be the best summer I’ve ever had,” wika ni Williams. “It will be up there because if you win the Olympics and Wimbledon and this, it would be kind cool.”
Ang Belarusian namang si Azarenka ang may pinakamagandang inilalaro sa torneo.
Nakamit niya ang una niyang grand slam title sa Australian Open noong Enero ngunit natalo naman siya sa siyam sa 10 laban nila ni Williams.
“She’s the toughest opponent there is in the draw,” wika ni Azarenka. “And being in the final makes it even more difficult so it’s definitely gonna be a tough one.”
- Latest
- Trending