Jimrex Jaca nahagit ni Martinez

CEBU, Philippines - Natandog ang garbo sa beteranong Pinoy boxer nga si Jimrex Jaca sa pamahayag sa   karibal niyang si Angel Martinez sa Mehiko nga matud pa hinay og kumo.

Ang kanhi two-time OPBF light welterweight champion nga si Jaca mohimo sa iyang "comeback fight" karong Sabado batok ni Martinez sa undercard sa "Pinoy Pride XV: Philippines vs. Mexico-The Rematch" diha sa Waterfront Cebu City Hotel and Casino.

Sa taho sa Philboxing.com, si Jaca miangkon nga nahagit siya sa pamahayag ni Martinez ug iyang paningkamotan nga matudloan niya og leksyon ang bisitang boksidor sa ila unyang away. "Ingon siya dili ko power puncher. Gihimo ko niyang underdog," matud pa ni Jaca.

Ang Jaca-Martinez bout undercard sa "rematch" nila ni ALA fighter Jason Pagara ug Rosbel Montoya nga magsangka alang sa WBO international light welterweight title, samtang si Genesis Servania moaway batok ni Jorge Pazos alang sa WBO AsPac super bantamweight belt.  (BANAT SPORTS)