CFC Futsal Tournament gitakda sa Agosto 28-29

CEBU, Philippines - Nangandam na ang Cebuano futsal enthusiasts alang sa laing makalingaw nga indoor football tournament nga uloha'g "CFC Take the Challenge Futsal Tournament" nga gikatakda sa Hulyo 28-29 didto sa Lapu-Lapu City Sports Center.

Kapin na sa 40 ka teams gikan sa nagkalain-laing kahugpongan ang nipadayag sa ilang partisipasyon. Kini naglakip sa University of San Carlos, Don Bosco Technology Center, San Roque, Real Cebu, Benthel Asia, Don Bosco United, Innodata ug FC Camellanz.

Gibahin sa men ug women's division, ang kalihukan gipasiugdahan sa Camella Homeowners' Community Sports Club of Mactan sa pagpangulo ni Gerry Paglinawan ug Alvin Mangubat uban sa FC Camellanz.

Ang duha ka adlaw nga kompetisyon gisuportahan sab sa Coca-Cola Bottling Company (PowerAde), kagamhanan sa dakbayan sa Lapu-Lapu ubos sa liderato ni Mayor Paz Radaza ug sa Maribago Bluewater Resort.

Alang sa dugang pang mga kasayoran, mahimong mokontak ni Chris Tabagao sa 0932-0445513. (BANAT SPORTS)