Amad hari sa CHECK chessfest

CEBU, Philippines - Hingpit na nga giangkon ni Sherwin Amad ang labing unang titulo sa Chess Enthusiasts in Cebu for Kids (CHECK) 16-Under Tournament niadtong weekend didto sa Brgy. Tabunok, sa dakbayan sa Talisay.

Gitapos sa 16-anyos nga si Amad ang 7-round Swiss system competition uban ang 5.5 puntos.

Sila si Felix Balbona ug Ryan Fernando parehong mihipos og 5.0 puntos, apan si Balbona mao ang niangkon sa ikaduhang dapit pinaagi sa superior tie-break output.

Mikompleto sa top 10 finishers mao sila si Marq Gabrielle Balbona, James Andrew Balbona, Ryan Pacres, John Francis Balbona, Jeremy Pepito, Jeffu Dorog ug John Barade.

Sila si Shyshy Dorog ug Blain Axcel Otadoy nidaog og special awards isip labing bata sa mga partisipante. - (BANAT NEWS)