BIR-white midaog sa USC-PTCA hoop

CEBU, Philippines -  Mikulit sa ilang ikaduhang daog ang Bureau of Internal Revenue (BIR)-Cebu quintet pinangulohan sa ilang piangon nga skipper nga si Yoli Meso dihang ilang gipukan ang Yellow Team nga gipangulohan nilang Reggie Licanda ug Jingjing Rama sa iskor, 90-81 kaniadtong Sabado atol sa nagpadayong USC-Parents, Teachers Community Association (USC-PTCA)-2011Christmas basketball tournament didto sa USC-BED South Campus sa dan J. Alcantara, ning dakbayan.

Sa laing duwa, midaug ang Red Team pinangulohan sa USC-BED PTCA, Inc. vice-president nga si Cesar Ortega batok sa Green, 98-69 ug sa ikatulo ug kataposang duwa, midaug ang USC-White batok sa Violet, 89-73.

Naka-una unta ang Yellow kinsa milabaw og otso puntos sa halftime, 46-38 pinaagi sa mga puntos gikan nilang Rama ug Louie Abellanosa apan ang mas batan-ong BIR nagmangtas sa third period ginamit ang 29-13 nga scoring run aron mosarasay sa hingpit ang Yellow.

Ang kanhi SWU gunner nga si Cris Litorja maoy nangu sa BIR human siya miposa og 22 puntos samtang ang kanhi UV Lancer nga si Jerson Espinosa miamot og 18 puntos. Miligwat sab og 11 puntos si Kim Valenzuela alang sa 2-0 nga BIR team.

Si Licanda, ang kanhi point guard sa UC ug karon coach sa Junior Webmasters ug ingon man si Abellanosa, parehong mihimo’g 17 puntos aron pangulohan ang opensa sa Yellow samtang midugang si Rama og 10 puntos.

Sa laing duwa, mibahug og 16 puntos si Al Resma aron pangulohan ang Red Team ug laing upat ka kauban ang pulos mibahug og double figures.

Si Liclic Lazaga maoy nangu sa Green pinaagi sa iyang 22 puntos.

Sa ikatulo ug kataposang duwa kaniadtong Sabado, miburak sab og 22 puntos ang commmercial veteran nga si Abe Galinato ug midugang si Frankie Lastimoso ug 20 puntos.

Si Kadong Paca mihakot og 14 puntos alang sa Violet ug laing duha ka kauban parehong mitampo og 12 puntos matag usa.

Puntos matag usa:

First Game:

BIR-White (90)— Litorja 22, Espinosa 18, Valenzuela 11, Sorela 10, Dizon 6, Alburo 6, Credo 2, Llevares 2

Yellow (81)— Licanda 17, Abellanosa 17, Rama 10, Najaroo 9, Auza 6, Galan 4, Adarna 4, Villanil 3, Jaluag 2, Abelgas 2 (GGM)(BANAT NEWS)