CESAFI beach volley sugdan karon

CEBU, Philippines -  Mosikad na karong adlawa ang ikatulong edisyon sa Cebu Schools Athletic Foundation Inc. (CESAFI) beach volley event diha sa Cebu White Sands Resort sa Brgy. Marigondon, Lapu-Lapu City.

Ang duha ka adlaw nga kompetisyon giapilan og duha ka teams sa women's division ug upat sa men's category.

Ang Southwestern University (SWU) nilang Princess Anne Pido ug Danika Yolanda Gendrauli laraw sa pagpalagpot sa University of Southern Philippines Foundation (USPF) sa ilang trono sa women's division. Magtigi sila sa alas-8 sa buntag.

Sa men's division, ang USPF makigsangka batok sa University of Cebu (UC), samtang ang Cebu Institute of Technology-University (CIT-U) makigtakus sa University of the Visayas (UV).

Lain pang mga duwa karong adlawa naglakip sa UV batok USPF, UC batok CIT-U, CIT-U batok USPF ug UV batok UC. (BANAT NEWS)