Pinoy MMA fighters nagbangis

CEBU, Philippines - Mipatigbabaw ang kusug sa mga Pinoy Mixed Martial Arts (MMA) fighter nga sila si Eduard Folayang ug Eric Kelly sa ONE Fighting Championship didto sa Singapore.

Gipukan sa Folayang ang Koreano nga si A Sol Kwon pinaagi sa unanimous decision, samtang si Kelly mipilde ni Mitch Chilson pinaagi sa submission.

Berto kampiyon pagbalik

Milampos ang Haitian-American nga si Andre Berto sa pagsakmit sa IBF welterweight title dihang iyang gipaundang sa round 5 ang Slovenian nga si Jan Zaveck.

Kadto ang comeback fight ni Berto human siya huboi sa iyang WBC title ni Victor Ortiz niadtong miaging Abril.

Gipugngan sa pamilya

Gibutyag ni Brgy.Ginebra asst.coach Jong Uichico nga rasun og wala na kabalik pa si Rudy Hatfield sa ilang koponan tungod kay gipugngan kini sa iyang pamilya.

Nakasabot ra hinuon si Uichico tungod kay mas gihatagan og gibug-aton ni Hatfield ang iyang pamilya kaysa sa gugma niini sa basketbol.  - BANAT NEWS