Felix Belano: Jersey # 42 ex-Lancer, MBA record holder
() - April 11, 2011 - 12:00am

CEBU, Philippines - Wala tingali bisan usa ka basketball fan nga wala makadungog sa ngalan ni Wilt Chamberlain, ang 7’1 center nga kanhi player sa Philadelphia Warriors ug sa Los Angeles Lakers.

Kaniadtong Marso 2, 1962, kini si Chamberlain mi-iskor og 100 puntos sa usa ka duwa diin midaog ang Philadelphia batok sa New York Knicks, 169-147 didto sa Hershey, Pennsylvania.

Tungod sa iyang gitas-on ordinaryo lang kaayo ni Chamberlain nga mokulit og double-double ug sa wala pa siya mokulit og NBA record nga 100 puntos, daan na sab siyang mikulit ug record nga 59 puntos sa first half niadtong gabhiona.

Sa NBA tulo lang ka players ang mi-iskor og kapin 50 puntos sa first half apan bisan pa niana, wala sila makahimo pagkulit og quadruple double. Sila mao si Kobe Bryant kinsa miburak og 55 puntos sa iyang 81 puntos dihang midaog sila batok sa Toronto Raptors niadtong Enero 23, 2006, David Thompson sa iyang 53 puntos dihang midaog ang Denver batok sa Detroit niadtong Abril 9, 1978 ug si George Gervin nga mi-iskor sab og 53 puntos sa mao gihapong gabhiona dungan kang Thompson dihang midaog ang San Antonio batok sa New Orleans Jazz niadtong Abril 9, 1978.

Apan ambot og nasayud ba ang uban natong suki sa SPORTSgab nga adunay Sugboanong basketball player nga mihimo’g record nga 120 puntos sa usa ka duwa kaniadto ug siya mao ang gitawag og basketball legend nga si Julian Macoy nga lumad taga Dumanjug ug iyang nahimo ang maong record dihang nagduwa pa siya sa University of San Carlos (USC) Warriors niadtong dekada ’50. Sulagma diay kaayo no? Philadelphia Warriors ug USC Warriors?

Ug niadtong wala pa usab masayud, usa lang ka basketball player sa Pilipinas o mahimong sa tibuok kalibotan nga usa ka Bisaya nga taga Davao ang mikulit og record nga dili na tingali mausab sulod sa pipila ka katuigan ug kini walay lain kung dili si Felix Belano o nailhan sab sa tawag nga Donbel, ang kanhi point guard sa University of the Visayas (UV) Green Lancers.

Si Belano mihimo’g talagsaong record nga QUADRUPLE DOUBLE nga wala gyud mahimo nilang Chamberlain, Michael Jordan, Magic Johnson, Charles Barkley ug John Stockton kay kung nahitabo pa kini, mapatik unta kini sa NBA encyclopedia.

Atol sa kasikatan ug pagsulbong ug maayo sa kanhi Metropolitan Basketball Association (MBA), si Belano mikulit og record nga 17 puntos, 11 rebounds,11 assists ug 10 steals. Iyang nakulit ang maong record niadtong Agosto 14,1999 dihang midaog ang iyang team Davao Eagles ni coach Francis Rodriguez batok sa Nueva Ecija Patriots nga gipangulohan ni Willie Miller didto mismo sa balwarte sa Patriots sa Araullo gym sa Nueva Ecija.

Sa wala pa siya moduwa sa UV, ang 5-10 nga point guard nagduwa dinhi sa Sugbo atol sa Palarong Pambansa diin usa siya sa nagrepresentar sa Region 11 niadtong 1994 ug usa sa nakadiskubre kaniya mao ang kanhi coach sa UV ug kanhi champion Lancer Danny Duran, karon assistant commissioner sa Cebu Schools Athletic Foundation, Inc. (CESAFI).

Gikan siya sa usa ka tunghaan sa high school sa Maco, Davao del Norte nga karon sakop na sa Compostela Valley ug gikuha sa UV. Ang iyang coach kanhi mao si Jerry Aratan nga usa sab ka maaoyong point guard sa UV nga nakahatag sab ug national inter-collegiate title.

Sa wala pa siya mogamit sa numero 42 nga jersey human sa iyang quadruple double, ang iyang jersey number sa amateur mao ang no. 15 ug mao kini iyang gigamit sa MBA sa wala pa niya pulihi’g 42 nga nagpasabot og quadruple-double.

Human mabaniog og maayo sa tibuok Pilipinas ang iyang quadruple double, gikuha si Belano sa Talk N' Txt Phone Pals ubos sa Amerikanong coach nga si Bill Baino niadtong 2001. Nakaduwa sab siya sa Red Bull Barako ug sa Sta. Lucia Realty ug mibiya sa PBA niadtong 2009 tungod kay matod pa niya, na-igo siya sa politika sa PBA hinungdan wala na siya ganahing mobalik og duwa.

Karong bag-o, nakahukom siyang mo-coach sa UV Lancers tungod kay gitanyagan siya sa pamilyang Gullas nga mopuli isip coach human mobiya si coach Elmer “Boy” Cabahug ug iyang assistant nga si Al Solis.

Siya maoy rookie coach sa umaabot CESAFI 2001 season diin tinguha sa Lancers nga bawion ang ilang korona nga gihuptan karon sa UC Webmasters.

Miscellaneous. Belated 1st birthday to my godson Renz Karl P. Narvasa alais “Choy-choy” last April 9. Happy 52nd wedding anniversary to my in-laws Vicente Cao Jr. and Alejandra Ladonga Cao. Welcome home balikbayans Lalaine Gomez, Rey Yns and Toti Curugan. Rey who hails from Oxnard, California wishes to greet her mother Medila “Meding” a happy birthday celebration on April 20 when she turns 76 years old. His late father Teotimo” Totim” Yncierto, 75 years old, will have his birthday on April 24. Rizzini Alexis Gomez will turn over her Aliwan crown in Manila on April 16. My friend coach Raul Latonio Sr. was beaming with pride when he approached me to announce that his son Raoul “Jett” Latonio, Jr. is now a full-fledged Mechanical Engineer after passing the board exam last February. He will take his oath at the Professional Regulations Commission (PRC) office next week. Like Kerrn Sesante, Latonio is also a product of the CESAFI and he is the third son of Latonio who became successful while playing basketball at the same time. The other two were Rhett and Jeremiah or Ayn. (BANAT NEWS)

COACH IYANG LATONIO NIADTONG PHILADELPHIA WARRIORS PUNTOS SIYA USA WALA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with