Talisay Beach Volley sugdan karon

CEBU, Philippines - Siyam ka mga dekalibreng collegiate ug commercial volleyball teams ang magtigi alang sa titulo sa Talisay Invitational Beach Volleyball tournament nga mosikad karong adlawa didto sa Liberation Park sa Brgy. Poblacion, Talisay City.

Mga partisipanteng koponan naglakip sa Southwestern University (SWU) A ug B, University of Southern Philippines Foundation (USPF), University of San Jose-Recoletos (USJ-R), Team Liloan, Froilan A ug B, Iveah ug Pop-Pie.

Ang mga koponan bahinon ngadto sa duha ka bracket diin ang top two sa matag bracket maoy mag-abot sa crossover semifinals. Ang mahabiling duha ka koponan maoy magsangka alang sa kampiyonato.

Ang kampiyon makaangkon og P5,000 ug tropeyo, ang ikaduha makadawat og P4,000, ikatulo mobulsa og P3,000 ug ang ikaupat makadala og P2,000.   - BANAT NEWS