3MRJ hari sa BSBA Lauro's Cup

MANILA, Philippines - Dili kabayran og sapi ang gibating kalipay ni Renato Casinillo human ang iyang team nga 3MRJ yano kaayong milubong sa Ado Team ni Ado Tampus, 75-60 ug aron maangkon ang kampiyonato sa Buaya Seniors Basketball Association (BSBA) Lauro's Cup didto sa Buaya basketball court sa Lapu-Lapu City.

Ang 3MRJ nga igo lang milabaw og uno punto paghuman sa unang kuwarter, 16-15, misirit sa sunod nga kuwarter ug giinat ang ilang bentaha ngadto sa nuybe puntos sa halftime, 33-24.

Miburot pa og maayo ang labaw ngadto sa double digits sa wala pa nila maangkon ang 15 puntos nga kadaugan.

Ang torneyo nahimong posible pinaagi sa suporta ni Buaya Brgy. Capt. Lauro Soroño, Hon. Matt Casio, Hon. Crispin Casio, Lapu-Lapu City Councilor Harry Radaza, Dennis Godinez, Atan Lara ug sa JB Sportswear ni Billy Nadado.

PUNTOS MATAG USA

3MRJ (75) -Inot 18, Ngujo 14, Abelez 13, Enriquez 9, Micabalo 6, Inot 6, M. Inot 4, Ngujo 4, Cosep 2

ADO TEAM (60) - Presbitero 20, Booc 13, Nabua 10, Linao 4, Igot 4, Nabua 2, Casio 2, Entrampas 2 (BANAT NEWS)