Tower Power Race sa Club Ultima

CEBU, Philippines - Sa labing unang higayon, ipahigayon dinhi sa Sugbu ang usa ka stairs running event nga uloha'g "Tower Power Race" karong Pebrero 20 diha sa Club Ultima sa Crown Regency Hotel.

Ang mga partisipante magginukdanay sa 880 ka ang-ang sa 41 ka andana sa Crown Regency Hotel.

Si Jaque Siwala, ang events and promotions manager sa Club Ultima miingon nga ang lumba gitakda unta karong Domingo, apan gisibog kini tungod sa hangyo sa mga runners nga moapil og lumba sa dagan sa maong adlaw.

Aron dili magyagaw ang lumba, tagsa-tagsa nga buhian ang mga partisipante ug ang winners ilhon pinaagi sa individual time.

Ang top-five finishers makaangkon og free two-night stay sa Crown Regency Boracay Resort, usa ka especially-designed trophy ug free massage sa Prana Medispa.

Niadtong interesadong mosalmot, ang registration fee nagkantidad og P400 alang sa mga Club Ultima members, P500 sa non-members ug P450 sa group registrations.

Sa maong registration fees, libre na ang singlet, light snacks, sky level entry ug sky ride pass.

Ang deadline kutob lang karong Pebrero 17 diha sa Cebu City Sports Center (CCSC) ug sa Club Ultima. (BANATSPORTS)