Hotel Fortuna duwa sa CBA

CEBU, Philippines - Kumpirmado na nga mosalmot ang Hotel Fortuna sa gibanhaw nga Cebu Basketball Association (CBA) nga sugdan sa Pebrero 25 diha sa Cebu Coliseum.

Kalabot niini, ang team owner sa Hotel Fortuna nga si Lorenzo 'Chao' Sy, mopahigayon og try-out karong Enero 25-28 diha sa Cebu Coliseum nga pagadumalaon ni coach Pablo Yu.

Ang try-out magsugod sa alas-9 sa buntag hangtod sa alas-12 sa udto.

Niadtong buot nga mamahimong sakop sa team, giawhag sa pagsalmot sa tryout. 

Matud pa ni Sy nga ang mga kanhi varsity players ug out-of-school youths mahimong mosalmot. – BANAT NEWS