Condura Skyway run

MANILA, Philippines - Sisimulan ng Condura Skyway Marathon ‘2011 Run for the Dolphins’ ang running fever sa susunod na taon sa pamamagitan ng karera sa Pebrero 6.

Mula sa orihinal na Con­dura Run, binago ito sa bagong Condura Skyway Marathon bilang hakbang ng mga organizers na ihanay ito bilang premier marathon event sa Asia-Pacific region sa 2012.

“With re-branding co­mes a lot of improvements that will benefit our runners,” wika ni Condura Skyway Marathon founder and chief event officer Ton Concepcion. “We will be utilizing the D-Tag timing system used in the New York City marathon.”

Para bigyang daan ang malaking bilang ng mga en­tries, dalawang starting lines ang ipinoste ng mga organizers sa Ayala Ave. at sa Bonifacio Global City at ang finish line ay sa BGC.

Bibigyan ang mga run­ners ng isang special edition na dri-fit technical t-shirts.

Sa unang pagkaka­taon, ang mga 10k at 16k run­ners, kasama ang mga lalahok sa half-marathon, ay tatakbo sa Skyway sa pamamagitan ng isang point-to-point course na mag­sisimula sa Ayala Ave. at magtatapos sa Bonifacio Global City.