Roddick mobalik og duwa sunod tuig

CEBU, Philippines - Mobalik og duwa ang Amerikanong tennis player nga si Andy Roddick ngadto sa U.S. Davis Cup team unya sa sunod tuig human siya wala moduwa niining tuiga.

Sa usa ka mensahe gikan sa U.S. Tennis Association nga gipahibalo kaniadtong Huwebes, si Roddick nagkanayon nga ang pagdaog sa Davis Cup may “top priority” ug nagtuo sab siya nga kini maoy usa ka butang nga ang mga tennis players “should commit to for the entire season and not when it is convenient.”

Ang United States ug ang ilang bag-ong coach nga si Jim Courier moduwa didto sa Chile sa first round unya sa Marso 4-6.

Si Roddick kanhi no.1 nga player ug 2003 U.S. Open champion. Aduna siya'y 31-11 nga record sa Davis Cup ug nagsunod siya kang John McEnroe kinsa adunay 41 ka daog ug labing daghan nga singles victories.