Shaba: Nagkadugay ug nagkakusog

CEBU, Philippines - Sa ilang ika-15 nga anibersaryo gikan sa pagka-porma sa Sacred Heart Alumni Basketball Association (SHABA) kaniadtong 1995 nga gisugdan sa ilang founding president nga si Jack Huang, nagkalig-on ang panaghugpong sa ilang mga sakop ug napamatud-an na usab kini sa miaging SHABA tournament nga bag-o lang natapos diin maoy nahimong kampiyon ang Goldberry Suites/Uratex Foam.

Gani, maoy tinguha sa 2010 SHABA president nga si Regan Rex King nga mas daghan pa untang mga teams ang mosalmot sunod tuig ug hinaut sab unta nga padayong mopaluyo kanila ang mga corporate sponsors sama sa Primary Homes, Inc., Lamoiyan Corp., Cebu Landmasters Inc., Jolli Traders International, Inc., International Pharmaceuticals Inc. ug Cebu Holiday Gym and Spa.

Midawat sa ilang mga ganti ang pipila ka sakop sa champion team nga gipangulohan sa 2010 MVP nga si Dave Lim sa Goldberry Suites atol sa formal nga awarding ceremony nga gipahigayon didto sa Olympic Hall sa Baseline Restaurant kaniadtong Huwebes, Nobiyembre 25.

Mao kini ang mga nakadawat og special awards nga sila si Dennis que isip best point guard, Dave Ting isip best off guard, Eldie Cabahug isip best three-pointer ug si Dave Lim isip best center.

Ang mga players nga nakadawat og pasidungog isip nga board ug block busters mao sila si Antonio Datan, Vic Francis Tiu ug Giovanni Borromeo ug ang mga defensive enforcers mao sila si Peter Tuaño, Joseph Rudolph Lo ug Chad Kenneth Cañares. Ang mga Most Improved Players nga sila si Raymund Ortiz ug Leigh Dixon.

Lain sab nga pasidungog ang nadawat sa mga razzle dazzle converters ug kini mao ang mga players nga mga maayong fastbreaks finishers nga sila si Antonio Paulo Candari, Ed Macasling, Joseph Shan, Patrick John Jacobe, Dennis que, Roderick Mangubat, Jeremy Ryan Huang, Franz Cimafranca. Antnoio Datan, Peter Tuaño ug Kester Gajudo.

Ang mga sakop sa Mythical Five nga gipangulohan ni Lim naglakip kanilang Que, Ting, Cabahug ug Arthur Lao.

Gawas sa Goldberry, ang mga top teams mao ang second placer Gaisano Capital Savers Choice, third placer A+Struttures Eco Blocks ug fourth placer White Gold Club.

Miscellaneous. My son Matt Erikson who is a 4th year high school student of section Violet under class adviser Rio P. Bacorta received the sacrament of confirmation last Saturday, November 27 which was solemnly held at the USC Main Chapel where the main celebrant Bishop Julito Cortes, DD did a lot of gentle slapping twice on the cheeks to all 225 candidates of CONFIRMATION coming from the University of San Carlos South Campus under principal Sister Remedios Socorro D. Aunzo, SSpS who received the word of the Holy Spirit from Bishop Cortes. Thanks to Dr. Boy Te and to Engr. Ferdinand Inting for acting as Matt’s godparents. Congratulations to Matt for being the no. 7 among the top 10 among the class of section Violet. Also my sincere thanks to ex-UC star and former undergoal king of Cebu Benjamin Ocariza or Ben-Ocs for the gifts.