Water Market, Park N' Go Bakeshop daog

CEBU, Philippines - Mitungtong ngadto sa ikaduhang puwesto ang Water Market human ilang gilubong ang F&E Electrical Supply, 105-90 atol sa nagpadayong Power Forty Christmas League diha sa Inayawan Sports Complex.

Sa laing duwa, midaog sab ang Park ‘N Go Bakeshop batok sa Precious Ellah sa iskor nga 88-73.

Ang Water Market nga naghupot na karon og 3-1 gipangulohan ni Gideon Bughao, kinsa miburak og 25 puntos, samtang si Tony Ungria miabuno og 20 puntos. Mitampo sab og double figures sila si Dario Abella ug team owner Vez Eleguin sa ilang 16 ug 14 puntos matag usa.

Unom lang ka players ang mi-iskor alang sa F&E Electrical Supply, apan mirehistro usab kini og double figures gawas lang kang Allan Lim, kinsa mi-iskor og nuybe puntos.

Sila si Hermes Abasolo ug Inayawan brgy. councilor Mario Tabar parehong mi-iskor og 18 puntos. Si Dodong Piezas miamot og 17 puntos, sila si Roger Cabatas ug Efren Mosqueda nagkumboya og 24 puntos.

Sa laing bahin, si Michael Arias mao gihapon ang nangu sa Park ‘N Go pinaagi sa iyang 15 puntos, gisundan ni Manny Echavez nga adunay 14 puntos. Si Rusty Caballero mao sab ang nangu sa Precious Ellah nga miposa og 31 puntos.

Puntos Matag Usa

Unang duwa:

Water Market (105) - Bughao 25, Ungria 20, Abella 16, Eleguin 14, Dela rama 7, Yosores 6, Dejacto 6, Labalan 5, Dacalos 4

F&E Electrical (90) - Abasolo 18, Tabar 18, Piezas 17, Cabatas 14, Mosqueda 10, Lim 9

Ikaduhang duwa:

Park ‘N Go (88) - Arias 15, Echavez 14, Ozon 12, Rama 10, Dumale 9, G. Rama 8, Montuis 8, Dejarme 4, Filosopo 4, Bacalso 2

Precious Ellah (73) - Caballero 31, Cabaluna 18, Flordeliz 8, Nacario 7, Abadejos 6, Traya 4, Labrada 3, Abellana 3. – BANAT NEWS