Black team pabiling walay pilde sa LABA

CEBU, Philippines - Nagpabiling walay pilde sud sa upat ka duwa ang Black team human nila gipide ang Yellow, 77-69 sa Los Amigos Basketball Association Association (LABA) Inter-color Second Conference diha sa Banilad Sports Complex.

Ang presidente sa LABA nga si Arnold Pestaño, ang amahan sa nakampiyon sa 2009 SM Storyland Idol nga si Claire Nolem Pestaño, maoy nangulo sa Black pinaagi sa iyang 16 puntos. Sila si Dodong Pañe ug Lapina miamot og 14 ug 13 puntos matag usa.

Si Ting mi-iskor og 17 puntos nga maoy topscorer sa Yellow, gisundan nilang Sabal ug Mauro nga adunay 11 puntos matag usa.

Sa main game, mikulit sab og daog ang Red batok sa Green sa iskor nga 94-83.

Ang Red team nga temporaryo karong nagsolo sa ikaduhang dapit sa standing sa ilang 3-1 nga baraha, gipangulohan ni Diaz, kinsa miburak og 19 puntos. Samtang ang Green nga nagbitbit og 1-3 nga baraha gipangulohan sab ni Madrid pinaagi sa iyang 24 puntos. (BANATSPORTS)