Mr. & Ms. Philippines Bodybuilding tilt

CEBU, Philippines - Ipasundayag na ang Mr. and Ms. Philippines National Bodybuilding & Swimwear Championship karong alas-4 sa hapon diha sa Cebu Midtown Hotel.

Ang event organizer nga si Dennis Delgado, mipadayag nga ang mga atleta lukop nasud ang mopakita sa ilang maskuladong lawas sa men's and women's divisions.

Ganting salapi, plake ug tropeyo ang maangkon sa mga mananaog, kinsa mao sab ang mahimong official entry sa Pilipinas alang sa Mr. and Ms. Asia Pacific International Bodybuilding Championships didto sa Boracay Island sa Abril 30 sunod tuig.

Tanang kampiyon sa matag kategoriya hatagan og tulo ka gabii ug upat ka adlaw nga resort accommodation sa Boracay atol sa kompetisyon sa Mr. & Ms. Asia Pacific

Ang overall men's champion makadawat og dugang ganting salapi ug ingon man usa ka roundtrip ticket ngadto sa Boracay.

Ilakip sab sa maong kalihukan ang 1st Ms. Sports Swimwear Competition nga tigian sa mga kababayen-an nga adunay ikapasigarbong porma sa lawas.

Ganting salapi ug libreng tulo ka gabii ug upat ka adlaw nga resort accommodation sa Boracay ang itunol ngadto sa top five winners.

Ang kalihukan gipresentar sab sa Sassa Active Wear, Evertrimm Slimming Capsule, Holiday Plaza Hotel, Energy FM 94.7, DYBN 92.3, Killer Bee, Smooth FM 89.9, Power FM 89.1, Cebu Midtown Hotel ug Advance Graphics.

Mga major sponsors niini naglakip sa Mountain Lodge and Restaurant Baguio, Prince Plaza Hotel Baguio, Palawan Village Hotel, Ang Sinangag Station, Golde Prince Hotel & Suites ug San Miguel Beer.

Ang mga tiket nagkantidad og P120. Alang sa dugang mga detalye, mahimong motawag sa Workout Fitness Center sa 345-2395, 255-5531, 273-5146 ir 345-9998. – BANAT NEWS