Precious Ellah, F&E Electrical Supply nakasud na sa semis sa Power Forty

CEBU, Philippines - Gipangparot sa Precious Ellah ug F&E Electrical Supply ang ilang tagsa-tagsa ka kaatbang aron moabante sa semifinals sa Power Forty Summer League basketball tournament didto sa Inayawan Sports Complex. Unang nakalusot ang Precious Ellah pinaagi sa pagpilde sa Water Market sa iskor nga 84-78, samtang ang F&E Electrical Supply mipalagpot sa undermanned Allyn & Sons sa iskor, 99-95.  Ang F&E Electrical Supply makigsangka batok sa no. 1 seed UTASSCO Utility ni Atty. Flor Yosores ug ang Precious Ellah makigtakos batok sa no. 2 Park N' Go Bakeshop sa semifinals sunod semana.  Ang modaog maoy mag-abot sa finals sa Hulyo 20, samtang mag-ilog sa ikatulong dapit ang mangapilde. Sila si Eric Caballero ug Nestor Javierto parehong mikamada og 25 puntos aron pangulohan ang Precious Ellah. Samtang si Vez Eleguin mao sab ang nangu sa Water Market nga mibugha og 19 puntos. Sila si Gideon Bughao ug Edwin Dejacto nagkumboya'g 27 puntos sa ilang kaparotan.

Sa laing duwa, si Inayawan brgy. councilor Mario Tabar miposa'g 33 puntos alang sa F&E Electrical Supply. Nakahimo sab og double figures sila si Roy Mabalcon, Hermes Abasolo ug Efren Mosqueda.

Ang Allyn & Sons gipangulohan ni Adot Tabar, kinsa mikadlit og 38 puntos.

PUNTOS MATAG USA

Unang duwa:

Precious Ellah (84) - Caballero 25, Javierto 25, Traya 10, Cabañero 9, Samson 8, Abasolo 3, Navares 2, Rabadon 2

Water Market (78) - Eleguin 19, Bughao 15, Dejacto 12, Abellana 9, Genzon 8, Labalan 7, Dacalos 6, Yosores 2

Ikaduhang duwa:

F&E Electl. Supply (99) - M. Tabar 33, Mabalcon 19, Abasolo 15, Mosqueda 14, Cabatas 9, Navares 3, Pacquiao 2, Kalinga 2

Allyn & Sons (95) - A. Tabar 38, Reyes 19, Moniva 16, Albaño 15, Colinares 5, Gabuya 2 (BANATNEWS)