Ilang-ilang, Ayer's Lechon nakaginhawa pa

CEBU, Philippines - Nakaginhawa pa ang Ilang-ilang ug ang Ayer's Lechon human midaog batok sa tagsa-tagsa nila ka kaatbang aron pagpuwersa sa tinaktakay nga duwa alang sa korona karong gabii sa SK Summer Basketball League 2010 didto sa Brgy. San Isidro open court sa Talisay City.

Ang Ilang-ilang misakmit og kulbahinam nga kadaugan batok sa mas lig-ong SIMAVA, 91-90 sa juniors division (24 years old below), samtang ang Ayer’s Lechon mi-iskor og 82-80 nga kadaugan batok sa Crislie sa midget division (17 years old below).

Si Clifford Sab-a miposa'g 32 puntos aron pangulohan ang Ilang-ilang, samtang si Jefferson Kho maoy nangu sa SIMAVA pinaagi sa iyang 19 puntos.

Sa sayo pa, sila si Aldrin Campugan ug Roy Quiachon mi-iskor og 26 ug 21 puntos aron pangulohan ang Ayer's Lechon, samtang si Jeric Gomez maoy topscorer sa Crislie nga mipabuto'g 22 puntos, gisundan ni Stephen Rosales nga adunay 18 puntos.

Sa laing bahin, ang Garces Team milubong sa Maningo Team, 100-88 sa open category.

Ang kalihukan gipasiugdahan sa San Isidro Basketball Association (SIBA) ubos sa ilang presidente Kenneth Maningo sa abag sa Sangguniang Kabataan nga pinangulohan ni chairwoman Charlene dela Cuesta ug Carlos Retuya isip committee chairman.

PUNTOS MATAG USA

Unang duwa:

Ayer’s Lechon (82) - Campugan 26, Quiachon 21, J. Debalucos 13, Alenton 11, Debalucos 2, Gonzaga 2, Noval 2

Crislie (80) - Gomez 22, Rosales 18, Mag-aso 13, Mabitad 12, Kong 10, Mag-aso 5

Ikaduhang duwa:

Ilang-ilang (91) - Sab-a 32, Baclay 20, Balatbat 19, Diamante 9, Lomera 4, Sembrano 4, Manigos 3

SIMAVA (90) - Kho 19, Sison 16, Olazo 13, Cabañero 13, Labnao 10, Gabison 8, Navales 6

Ikatulong duwa:

Garces Team (100) - Abapo 40, Patatag 19, J. Garces 10, Delos Reyes 8, Candol 6, Detuya 5, Cabuenas 4, Guico 4, T. Garces 2, Caballero 2

Maningo Team (88) - Maningo 26, Aniñon 18, Cabrera 16, Aliponga 10, Comahig 6, Zafra 3, Ca-ang 3, Gentapa 2, Pasigay 2, Bacus 2   (BANATNEWS)