^

PSN Palaro

Hotmen init mura'g kayo

-

CEBU, Philippines - Gisugdan kaniadtong Pebrero 12, natapos na gyud ang Bureau of Customs 1st Port of Cebu Sportsfest ug sama sa daan nang gitagna, nasakmit sa Mactan Hotmen ni Collector Bingo Matugas ug coach Romy Cal ang korona pinaagi sa pagpukan sa D-Force Pimentel Brokers ni Marty Pimentel.

Gidugokan sa daghang mga brokers ug mga empleyado sa Customs ang knockout finals didto sa Benedicto College gym sa Banilad, Mandaue City ug gani mas daghan ang nagtuo nga ang Pimentel maoy mahimong kampiyon kay mas daghan sila og batan-ong players. Mitumaw gihapon ang panultihon “experience is the best teacher” ug ang resulta, nasakmit sa hotmen ang korona nga maoy usa ka hot commodity niadtong gabhiona sa iskor, 90-81.

Ang maong kadaogan maoy ikapitong sagunson nga daog sa Hotmen sa maong torneyo samtang mao lang kadto’y unang pilde sa Pimentel. Ilang gi-sweep ang elimination, 4-0 aron mo-abante sa quarterfinals. Midaog sab sila sa quarterfinals ug sa semifinal aron hingpit mo-abante sa finals ug miharus sa 7-0 nga baraha.

Ang Hotmen sab maoy defending champion sa tinuig nga Customs Employees and Brokers Union (C.E.B.U.) ug tungod niini, ang ubang mga teams sa Customs naglaraw og “hot pursuit” unsaon gyud pagsikop sa Hotmen (dili hot goods ha, Hotmen nga team) aron malangkatan sila’g korona sunod tuig. Tungod kay magpalig-on man ang mga teams sunod tuig, magpalig-on sab ang Hotmen matud pa nilang Mactan Collector Rene Benavides ug assistant team manager Dhacky Ugay.

Matud pa ni Cal nga gibati siya ug diotay nga pressure dihang gikuha siyang coach sa Hotmen tungod lagi kay gikan kining midaog sa korona sa C.E.B.U. apan dako sila'y pagsalig sa iyang mga players diin ang uban niini siya mismo ang mipili.

Unang gipatilaw og pilde ang Assessment, sunod ang Caburnay, ang Cebu-Customs United Personeros Association (C-CUPA) ug ang Canillas-Gonzales aron mo-sweep sa elimination, 4-0. Ilang gipalagpot ang MJDL sa quarterfinals ug midaog batok Chamber of Customs Brokers, Inc. (CCBI) sa semifinals aron mo-abante sa finals ug ang katposang biktima mao ang Pimentel.

Dili tiaw ang gipahigayon nga awarding ceremony didto sa Cebu Country Club gipahigayon ang awarding ceremony adtong Biyernes sa gabii diin gitambongan gyud mismo ni Secretary Gary Teves sa Department of Finance ug usa sa labing malipayon tungod sa kalamposan sa maong torneyo mao ang District Collector sa Port of Cebu nga si Atty. Ronnie Silvestre.

Usa sa yawe sa maong kalamposan sa Sportsfest mao ang kaabtik ni Assessment Division chief Rady Abarintos nga maoy overall chairman sa 1st Port of Cebu Sportsfest ug maoy nagpahiluna sa tanang mga gikinahanglan niadtong higayona ilabi na ang mga tropeyo. Tungod kay naanad og service ug leadership si Abarintos, sayon kini niyang nasulbad bisan og nag-agi una siyag labad sa ulo. Si Rady kinsa usa ka CPA, maoy presidente sa Rotary Club of Cebu Fuente.

Tungod sa kalamposan sa ilang Sportsfest ilabi na sa basketball tournament, malipayon kaayo si Collector Silvestre bisan pa man tuod ug napilde sila sa ilang All-Star Game batok sa Brokers-Personeros, 86-92. Ang ubang kampiyon sa nagkalain-laing events mao ang C-CUPA) ni Yoli Cena, ang Assessment Division ni Rady Abarintos maoy kampiyon sa tennis ug third placer sa basketball ug si Ding Abay-abay maoy kampiyon sa golf. Wala hisayri ang kampiyon sa chess ug badminton ug wala pa sab mahuman ang volleyball event tungod sa ka-apike sa skedyul.

Si Collector Silvestre nga mahiligon sab sa golf, mipahibalo nga aduna siay’y maayong proyekto nga nagkinahanglan og suporta gikan sa CCBI ug kini mao ang Broker’s Hall, usa ka edipisyo nga tagboanan sa mga brokers ug mga kahigalaan. Matod pa sa mga brokers ilang paluyohan ang maong proyekto tungod kay maayong higala si Collector Silvestre ug sayon duolon matud pa sa mga batan-ong brokers nga si Roy Canillas ug Art Gonzales.

Miscellaneous. Advance birthday greetings to Mr. Marlon Lopez, president of the Cebu Normal University who turns a year older this coming April 25. Also advance happy birthday to Mr. Raffy Senining, team owner of the Ave Maria Sanctuary Park-USJR Jaguars who was among those key personalities behind the success of the CESAFI Partner’s Cup.He is celebrating another milestone on April 27 just two weeks behind his son Rendell’s birthday last April 12. Your Taiheiyo Cement Philippines, Inc. family is looking forward to a big birthday bash. Belated birthday greetings to Wendy Salacut, wife of Jaguar's coach Edito Salacut on her birthday last April 18. –BANAT NEWS

vuukle comment

ASSESSMENT DIVISION

BROKERS

COLLECTOR SILVESTRE

HOTMEN

MAOY

PORT OF CEBU SPORTSFEST

RADY ABARINTOS

TUNGOD

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with