CEBU, Philippines - Ang Southwestern University (SWU) Cobras nagsalig sa kainit ni Eliud Poligrates pagpukan sa Colegio de San Juan de Letran, 77-73 sa 3rd Mayor Jonas Cortes Invitational Cup niadtong miaging gabii didto sa Mandaue City Cultural and Sports Complex.
Si Poligrates, kinsa lakip sa two-time Liga Pilipinas National champion M. Lhuillier Kwarta Padala-Cebu Niños, nangulo sa 20-9 rally sa Cobras sa final period aron mahipos ang daog.
Si Poligrates maoy topscorer sa Jaguars nga miburak og 21 puntos, gisundan ni Rene Pacquiao sa iyang 19 puntos.
Ang pilderong Knights gipangulohan sab nilang Jaypee Belencio ug Kevin Alas nga nagkumboya og 32 puntos.
Sa sayo pa, ang Team Mandaue midaog sab batok sa University of San Jose-Recoletos (USJ-R) Jaguars sa iskor nga 80-74.
Si Neil Rañeses mi-iskor og 13 puntos alang sa Team Mandaue, samtang ang naparot nga USJ-R gipangulohan ni Luther Luke Justiniani, kinsa miposa og 14 puntos.
Puntos Matag Usa
Unang duwa:
Team Mandaue (80) - Rañeses 13, Deputado 12, Latonio 12, Laygo 12, Mercader 9, Isidro 6, Cortes 5, Labares 4, Bercede 2, Dajalos 2, Denison 2, Garcia 1
USJ-R (74) - Justiniani 14, Delfino 11, Malinao 11, Amores 8, Gabas 8, Senining 6, Ponce 5, Lapiz 3, Bibera 2, Dela Peña 2, Hatague 2, Pogoy 2
Ikaduhang duwa:
SWU (77) - Poligrates 21, Pacquiao 19, Armecin 17, Pria 7, Diango 4, Dadang 2
Letran Knights (73) - Belencion 18, Kev.Alas 13, Kri.Alas 11, Cortes 8, Daysam 8, Rodil 7, Relorio 4, Almarazan 2, Taplah 2. – BANAT NEWS