Assessment Division nakarekober

CEBU, Philippines - Daling nakarekober ang Assessment Division ni coach Rady Abarintos human masugamak ngadto sa Mactan Hotmen pinaagi sa pag-iskor og 77-65 nga kadaugan batok sa Canillas-Gonzaga Brokerage niadtong Martes sa gabii sa   Bureau of Customs 1st Port of Cebu Sportsfest basketball tournament didto sa Benedicto College gym sa Mandaue City.

Si Abarintos, ang hepe sa Cash Division maoy milingkod isip coach puli sa ilang head coach nga si Junard Ciabo, kinsa wala makatunga.

Upat ka starters ni Abarintos ang mi-iskor og double figures.

Si Daniel Enriquez, ang reserve alang sa University of Cebu (UC) Webmasters sa umaabot nga 2010 season sa CESAFI, mipugnit og 12 puntos, samtang si Dondon Cadungog midugang og 11 puntos. Sila si Noel Medalle ug Tata Laborte parehong miabuno og 10 puntos alang sa Assessment nga adunay 1-1 nga baraha.

Si Cecil Concha maoy bugtong nakahimo'g double figures alang sa Canillas pinaagi sa iyang 12 puntos.

Puntos Matag Usa

Assessment (77) - Enriquez 12, Cadungog 11, Medalle 10, Laborte 10, Urbina 9, Rollon 8, Navaja 8, Giducos 3, Bacalla 2, Martinez 2, Barte 2, Quino 2

Canillas-Gonzaga (65) - Concha 12, Sigue 9, Villa 8, Padin 7, Alvaro 6, Labe 4, Jordan 4, Tampus 3, Yap 2, Delos Reyes 2, Tunacao 2. – BANAT NEWS