Emilmich mibuntog sa Mawin's

CEBU, Philippines - Gipakuratan sa Emilmich ni team owner Emily Bardon ang reigning champion Mawin’s Kitchen, 73-63 aron sakmiton ang solong liderato sa JS Contractor’s Cup 2010 summer basketball tournament didto sa Vicente Sotto Memorial Gym in barangay Punta Princesa, ning dakbayan.

Sa laing mga duwa ang Victor Village Residents Association (VVRA) mipukan batok sa Jacpat Shee, 76-64 aron inaton ang ilang win-loss record ngadto sa 2-3, samtang ang Panthers milansang sa labing una nilang daog sulod sa tulo ka duwa human gipukan ang Cab’s Nets sa iskor nga 52-41.

Nilabaw og otso puntos sa halftime, 33-25, ang Emilmich misandig sa kabayanihon ni Michael Badon, kinsa mi-iskor og   11 puntos sud lang sa fourth period lakip ang solo lay-up nga maoy naghatag kanila og double-digits nga labaw ug pagposte og 10 puntos nga kadaugan.

Sila si Jun Llenes ug Titing Piliotas maoy nangu sa Emilmich sa ilang 14 ug 13 puntos matag usa, samtang sila si Kenneth Vinalon ug Badon parehong mi-iskor og 11 puntos.

Si Sherwin Lequit maoy topscorer sa Mawin’s Kitchen pinaagi sa iyang 17 puntos.

PUNTOS MATAG USA

Emilmich (73) - J. Llenes 14, Piliotas 13, M. Badon 11, Vinalon 11, V. Llenes 10, Ilagan 6, Iconas 4, J. Badon 2, Daugdaug 2, Janola 1

Mawin’s (63) - S. Lequit v17, Vallejo 15, Taborada 14, Tecson 5, Pineda 4, Bouffard 2, Empenado 2, Villalon 2, Avancena 2, Madrelino 2    (BANATNEWS)