CEBU, Philippines - Mihansak og 17 puntos si Marlon Basco aron pangulohan ang M. Lhuillier Kwarta Padala Cebu Niños pag-ihaw sa Trace Laguna Stallions, 68-61 sa opening game sa Liga Pilipinas Conference 4 pre-season kagabii diha sa Cebu Coliseum.
Bisan sa taas nga pahuway human sa ilang malampusong kampanya sa miaging conference, wala gihapon mokagar ang opensiba sa Niños human nila atakiha ang depensa sa Stallions.
Si Basco ug si reigning Finals MVP Stephen Padilla nagkumboya og 19 puntos aron hatagan og siyete puntos nga labaw ang Niños paingon sa final period.
Bisan pa sa rally sa Stallions, nagpabiling kalmado ang Niños ni coach Yayoy Alcoseba ug ilang gipahimuslan ang ilang kasinatian sa kampiyonato aron maangkon ang kadaugan.
PUNTOS MATAG USA
CEBU (68) - Basco 17, Padilla 11, Ababon 9, Dacia 9, Santos 8, Mepaña 9, Enriquez 5, Poligrates 4, Magsumbol 2, Saladaga 1
LAGUNA (61) - Bolocon 11, Ricafuerte 8, Sanz 8, Grijaldo 6, Villaver 4, Legaspi 3, Mangahas 3, Angeles 3, Estrada 2 (BANATNEWS)