H&C, Bay Cell, St. Vincent nidaog

CEBU,Philippines - Nakadaginot pa og daog ang H&C Sand and Gravel Dealer, Bay Cell Shop ug St. Vincent human gipilde ang ilang tagsa-tagsa ka kaatbang sa pagtapos sa elimination round sa 2009 Saturday Club basketball tournament diha sa Quiot Sports Complex.

Kusog ug nindot nga opensa sa third period maoy gihimong yawi sa kadaugan sa H&C batok sa Bostolits sa iskor nga 94-89, samtang ang Bay Cell Shop mikulit og sikit nga kadaugan batok sa CHEL quintet sa iskor nga 103-100.

Sa main game, ang St. Vincent naka-ipsot sab batok sa ICC Pharmacy, 134-132 aron paghingpit sa tulo ka kulbahinam nga mga engkwentro.

Unang mipabuhagay og puntos ang Bostolits, kinsa miposte og 30-22 nga abante sa first quarter, apan ang H&C mi-rally pagsugod sa third period ug wala na gyud manumbaling ngadto sa Bostolits.

Si Erwin Nuñez miposa og 17 puntos, sila si Fernando Sumargo ug Randy Ramos miamot og 16 puntos matag usa alang sa H&C, kinsa nagtabla karon uban sa Bostolits sa managsamang 8-3 nga baraha.

Sa laing bahin, ang Bay Cell Shop milansang sa ilang ikapitong daog sulod sa 12 ka duwa alang sa 7-4 nga baraha ug ang CHEL mihagda ngadto sa 4-7 nga baraha. 

Puntos Matag Usa

Unang duwa:

Bay Cell Shop (103) - Pescadero 28, Quitoy 25, Lastimosa 14, Llamedo 12, Pangilinan 10, Cola 7, Codo 5, Ramirez 2

CHEL (100) - Rudinas 29, Rosito 24, Calvo 20, Cañete 17, Bado 6, Almojallas 4

Ikaduhang duwa:

H&C (94) - Nuñez 17, Sumargo 16, Ramos 16, Cabo 14, Daclan 12, Lapeña 9, Piezas 6, Belleno 4

Bostolits (89) - Roma 21, Masayas 17, Petiluna 17, Tantiado 16, Eismar 6, Patrimonio 5, Bonbon 3, Naces 2, Español 2

Ikatulong duwa:

St. Vincent (134) - L. dela Peña 49, Español 24, Ararao 20, Leopats 16, Matudan 13, McFritz 12

ICC Pharmacy (132) - October 30, Roeback 24, D. dela Peña 16, Arsola 14, Francisco 13, W. Celestial 12, Perfect 10, Bihasa 7, Palma 6. – BANAT NEWS