OLF dribblers mibuntog sa J-Man Pioneers

CEBU, Philippines - Ang Our Lady of Fatima dribblers mi-iskor og 112-108 nga kadaugan batok sa undermanned J-Man Pioneers aron pagsolo sa liderato sa Saturday Club 2009 First Conference basketball tournament diha sa barangay Quiot Sports Complex, ning dakbayan.

Si Glen Birao milansang og team-high 31 puntos alang sa Our Lady of Fatima nga nagbitbit karon og 6-1 nga baraha. Nakakuha sab siya og suporta gikan nilang Lito Navarro ug Rey Jumamel nga miabuno og 17 puntos matag usa.

 Si Nonoy Sausa maoy nangulo sa Pioneers pinaagi sa iyang 34 puntos uban ang league record nga 10 ka triples.

 Sa sayo pa, ang St. Vincent midaog batok sa CHELL sa iskor nga 102-90.

 Ang St. Vincent mao kanunay ang naggukod hangtod nga ilang naapsan ang CHELL pinaagi sa fastbreaks.

Si Fury Tarazone miposte og 26 puntos ug si ex-CIT Wildkitten Jumie Ararao miamot og 25 puntos alang sa St. Vincent. Si Larry de la Peña mitampo og 18 puntos.

Ang pilderong CHELL gipangulohan sab ni Batoy Cañete, kinsa mibahog og 17 puntos, gisundan ni Lito Ecojedo sa iyang 16 puntos.

Puntos Matag Usa

 Unang duwa:

St. Vincent (102) - Trazona 26, Ararao 25, Dela Peña 18, McFritz 9, Sevellejo 8, Español 6, Anellar 5, Matudan 3, Petaflor 2

CHELL (90) - Cañete 17, Ecojedo 16, Rudinas 12, Calvo 12, Rosito 12, Medina 7, Almojallas 6, Bado 4, Divinagracia 4
Ikaduhang duwa:

Fatima (112) - Birao 31, Navarro 17, Jumamel 17, Mosqueda 16, Reyes 11, Ortiz

11, Galdo 6, Nacorda 2, Canasa 1

Pioneers (98) - Sausa 34, Pesquera 23, Perez 20, Arreglo 10, Villasencio 8, Migallen 3. – BANAT NEWS