Green K2S, 7-0 na sa SFAA 2009 First Conference
CEBU, Philippines – Mirehistro sa ilang ikapitong sunod-sunod nga daog ang Green K2S ni Nestor Kyamko human ilang gipilde ang White-Sunpride Sunny Hotdog, 79-67 sa Still Fighting Athletics Association (SFAA) 2009 First Conference basketball tournament didto sa CEC gym.
Ang Green team milabaw og tres puntos sa third quarter sa iskor nga 51-48, apan ilang gitapos ang duwa pinaagi sa pagpabuto og 28-18 nga rally aron pag-angkon og 13 puntos nga kadaugan.
Si Jun Seno maoy nangulo sa Green pinaagi sa iyang 21 puntos, gisundan ni Roger Tan nga adunay 15 puntos.
Sila si Ernie Batad ug Jerome Tesorero parehong mi-iskor og 16 puntos alang sa White team.
Sa laing duwa, ang Yellow-Master Drug team naka-ipsot batok sa Black-AC Sports ni Archie Baba sa iskor nga 92-90 sa overtime, samtang ang Maroon team mikulit sa labing una nilang daog human nila paniti ang Blue team sa iskor nga 86-62.
Si Michael Sumayang mikulit og tournament-high 39 puntos, lakip niini ang usa ka crucial steal sa katapusang kuwatro segundos nga maoy naghatag kanila’g dos puntos nga kadaugan.
Sila si Teloy Abanes ug Levi Ladonga nagkumboya og 27 puntos alang sa Yellow kinsa naghupot na karon og 5-2 nga baraha.
Si Jun Ando mao sab ang topscorer sa Black pinaagi sa iyang 24 puntos, gisundan ni Tony Piloton nga adunay 17 puntos.
Puntos Matag Usa
Unang duwa:
Maroon (86) - R. Ando 24, Cabangbang 12, Ceballos 11, Godinez 10, Taboada 9, Nalayog 6, Kue 6, Tonion 5, Padin 3, Abac 2
Blue (62) - Vizcayno 20, Emol 12, Tesorero 11, Managaytay 6, Abonitalla 4, Entrampas 3, Cabahug 2, Torrepalma 2, Apas 2
Ikaduhang duwa:
Green (79) - Seno 21, Tan 15, Lumayag 13, Misa 12, Dayondon 8, Kyamko 4, Ocampo 2, Estrada 2, Lamprea 2
White (67) - Batad 16, Tesorero 16, Castro 12, Banilad 8, Limatog 6, Detuya 5, Bongon 2, Garcia 2
Ikatulong duwa:
Yellow (92) - Sumayang 39, Abanes 17,
L. Ladonga 10, R.
Ladonga 8, A. Ladonga 6, Gorrero 4, Kilaton 2,
Espina 2, Lasque 2, Sagayno 2
Black (90) - Ando 24, Piloton 17, Singson 15, Casquejo 12, Bejaresco 9, Sislana 8, Tesorero 2, Fernandez 2, Bandolon 1 – BANAT NEWS
- Latest
- Trending
