Kap-Gawad, McMill gisubha'g daog

CEBU, Philippines – Gisubha'g daog ang Kap-Gawad ug McMill dihang ilang gipukan ang tagsa-tagsa nila ka kaatbang sa pagsugod sa Basketball Association of Ramos (BAR) Fiesta Cup didto sa Benjamin Solon Memorial Gym sa Cogon Ramos.

Ang Kap-Gawad ni Brgy. Capt. Noel Godiz mikulit sa labing una nilang daog batok sa Turesalno Team sa iskor nga 83-73, samtang ang McMill nakaipsot gikan sa mga kamot sa Jual Bovil bitbit ang 84-81 nga kadaugan.

 Ang teammates kaniadto sa CSCST Builders nga sila si Godiz ug Councilor Reynold Zamora nagkumboya og 20 puntos aron pangulohan ang Kap-Gawad, kinsa nakabentaha og sayes puntos sa halftime, 38-32.

Si Zamora maoy topscorer sa Kap-Gawad pinaagi sa iyang 14 puntos, gisundan nilang Bobby Ortega ug Lenar Alcover nga mitampo og 13 puntos matag usa.

Si Jimbo Noel mipabuto og 18 puntos aron pangulohan ang pilderong Turesalno.

Sa laing bahin, si Mark Anthony Galo miposa og 23 puntos ug si Bebot Ancot mibugha og 18 puntos alang sa McMill, samtang ang naparot nga Jual Bovil gipangulohan ni Pango Jumamil pinaagi sa iyang 26 puntos.

Puntos Matag Usa

Unang duwa:

Kap-Gawad (83) - Zamora 14, Ortega 13, Alcover 13, E. Camota 9, Miscala 8, Z.Camota 8, Pada 6, Godiz 6, Sobornido 4, Gabutero 2.

Turesalno (73) – Noel 18, Sico 13, Panique 12, Nunez 11, Regidor 6, Tud-Tud 4, Salcedo 2, Endab 2

Ikaduhang duwa:

McMill (84) - Galo 23, Ancot 18, Dela Pena 9, Tampus 7, Ybanez 6, Albia 5, Rama 4, Hapitan 4, Gabutero 3

Jual Bovil (81) – Jumamil 26, Fuentes 13, Villanueva 13, Alesna 9, Verano 6, Durano 3, Booc 2, Cua 2, Mercado 2 – BANAT NEWS