Tapatang Reyes at Alcano, sasargo

MANILA, Philippines - Para sa pinakamalaking event sa mundo ng bilyar, ang tapatang Reyes at Alcano ang tinuturing na pinakamalaking salpukan ngayong taon.

Sa tikas ng diskarte ni Efren “Bata” Reyes at talas ng isip ni Ronnie Alcano, paniguradong isang mahigpit na laban ang matutunghayan sa kanilang pag-haharap na nakatakda ngayong araw sa Skydome, SM North EDSA, Quezon City para sa battle in the Villiards Challenge of the Legend: The Maestro versus The Volcano.

Dikdikang engkuwentro sa pagitan ng dalawang pinakamagagaling na cue artist ng bansa ang eeksena para sa 15-ball rotation ng event na pinrisinta ni Senator Manny Villar’s Villiards: Tulong sa Pagsulong ng Philippine Sports sa pakikipagtulungan ng Billiards Managers and Players Association of the Philippines, at suportado ng Camella Communities, JBETpoker.net, ABS-CBN, Philippine Star at Billiards and Snooker Congress of the Philippines.

“It’s going to be a very exciting match. I know that Ronnie has been very vocal on his desire to beat every time we meet. He said he is always at his best every time he plays me. So I’m taking it as a challenge and I will be at my best come game time,” pahayag ng 1999 world 9 ball champ at 2004 world 8 ball champ na Magician.

Sa kabilang banda, para kay Alcano, matapos ang 2007 world 8 ball championship, at 9 ball champ title na natikman nito, uhaw na siya sa kampeonato, kung kayat todo ensayo para sa naturang dwelo.

“I very hungry now, that’s why when I was told that I’ll be going up against Champ (Reyes), I immediately went on a rigid training,” wika ni Alcano na nagsabi ding bukod pa dito, isang malaking karangalan para sa kanya ang kanyang idolo.

Samantala, dalawang undercards ang magpapasimula sa malaking event na kinabibi-langan ng JBETpoker.net Scotch Doubles All Star Challenge, four way tournament na tatampukan ng former world No. 1 Dennis Orcollo at Asian Games Gold medalist Gandy Valle (Bugsy Promotions). Dating world champion Alex Pagulayan at Rodolfo Luat (Puyat Sports), Lee Van Corteza at Warren Kiamco (Negros Billiards Stable), at Ramil Gallego at Antonio Lining (BMPAP Selection). Habang ang isa naman ay ang Sipag at Tiyaga-Search for the New Billiards Idol Special Edition na inilunsad para sa mga potensyal na kabataang may ga-ling sa bilyar. (Sarie Francisco)