"Cebu Thriller in April" andam na

CEBU, Philippines – Mag-atubang og lig-on ug mga mangtas nga kaatbang si World Boxing Organization (WBO) Interim bantamweight Oriental champion Rolando 'Smooth Operator' Magbanua ug junior flyweight titlist Bert Batawang sa Cebu sa ilang pagdepensa sa ilang tagsa-tagsa ka bakus karong Sabado sa "Thriller in April" diha sa Cebu Coliseum.

Ang beteranong si Batawang, 36-anyos, modepensa sa iyang korona batok sa 23-anyos nga si Edrin 'The Sting' Dapudong, kinsa nagbitbit og 18-2, 12KOs.

Si Dapudong, adunay talagsaong talento, kansang abilidad giugmad ni Cuban trainer Honorato Espinosa.

Si   Dapudong mibaid sa iyang talento sa Braveheart Boxing Club ubos ni chief trainer Noli Pinol, manghod ni North Cotabato Vice Governor Manny Pinol.

Si Dapudong nga wala pa ma-knockdown ug ang iyang duha ka pilde naggikan sa sikit nga desisyon, lakip na ang away batok ni kanhi world champion Muhammad Rachman didto sa Jakarta sa Indonesia sa miaging tuig.

Sa iyang bahin, si Magbanua, 23-anyos, kinsa nidaog sa bakanteng WBO

title pinaagi sa 6th round stoppage batok sa Mehikanong si Jose Angel Cota niadtong Pebrero 21 ning tuiga, modepensa sa iyang korona batok ni Wan Sithsaithong sa nabantog nga Kokiet Boxing Gym sa Bangkok, Thailand.

Mao kini ang labing unang pagdepensa ni Magbanua, kinsa lumad nga taga Pigcawaan sa North Cotabato.

Paninguhaon ni Magbanua nga iyang mapukan ang Thai challenger aron mosaka ang iyang world ranking ug mapalapdan ang iyang posisyon alang sa kampanya sa WBO bantamweight crown nga gihuptan karon ni Gerry Peñalosa. Sa kasamtangan,

si Magbanua no. 15 sa

 tibuok kalibotan sa WBO.

Ang 12-ka hugna nga title fight mahinungdanon kaayo alang sa beteranong si Batawang tungod kay kapildihan maoy makabugto

sa iyang halapad nga career nga adunay 34 ka daog

isip pro batok sa unom ka pilde.

Laing kumbati nga

angay atngan mao ang engkuwentro tali ni undefeated Korean boxing prospect Jong Hwa Lee (8-0, 1KO) ug Richard 'Lion Heart' Betos sa Mindanao sa

walo ka hugna nga binakbakay.

Mopakita sab og aksiyon ning maong boxing card

nga gipasiugdahan sa Braveheart Boxing Promotions ni Vice Governor Pinol ug

sa SSG Promotion ni Sammy S. Gello-ani, ang walay pildeng si Lorenzo 'Thunderbolt' Villanueva (13, 13KOs) ug si Rommel 'Little Assassin' Asenjo (12-2, 10KOs) makigsinukliay'g

kumo batok sa tagsa-tagsa nila ka Thai boxers.

Laing lima ka boksidor gikan sa Mindanao ang moladlad sab sa ilang

abilidad ning maong

baraha nga makita live sa CCTN Channel 47 ug sa Internet pinaagi sa livestreaming sa www.pinoyboxingtv.com  - BANAT NEWS