Maroon midaug batok Black sa USC-SC PTCA

CEBU - Ang kanhi USC Warrior ug ex-pro nga si Lou Regidor mi-iskor og 27 puntos samtang si Frankie Lastimoso midugang og 20 puntos aron pangulohan ang Maroon team ngadto sa 111-98 nga kadaugan batok sa Green team kaniadtong Domingo sa nagpadayon nga duwa sa USC-SC PTCA, Inc. basketball tournament didto sa USC-South Campus covered court sa dan J. Alcantara ning dakbayan.

Sa laing duwa, ang Red Team ubos sa pagtimon ni Rey Abarquez midaug batok sa Light Blue Team, 88-80 samtang ang Orange Team ni Alex Cainglet milampurnas sa Black team nga gipaluyohan ni Jeson Guardo sa iskor, 81-61.

Ang Maroon mao na karo'y nag-una sa torneyo sa ilang 2-0 nga baraha human sila modaug batok sa Navy Blue duha na ka semana ang milabay.                

Si Abe Galinato nga usa ka beteranong commercial player, maoy nangu sa 1-1 nga Green team sa iyang 23 puntos.                 

Sa sayo pa, si Abarquez nga usa sab ka commercial player, mihakot og 32 puntos, ang 20 niini gikan sa second half samtang si Ope Abellana ang coach sa USC-South Campus SBP-Passarelle, mipabuto og masipang 45 puntos apan wala gihapon kini makatabang sa ilang kampanya.

Si Jay Oyao, usa ka magtutudlo sa Christian Living sa USC-South Campus, mitampo og 11 puntos alang sa Light Blue nga nagbaton sab karon og 1-1 nga baraha.

Laing mga magtutudlo nga sila si Rodel Sartagoda ug si Jufel Querikiol parehong mi-iskor og unom ka puntos alang sa Light Blue kinsa midaug batok sa Black sa miaging semana sa iskor, 87-82.

Sa laing bahin, si Alex Cainglet miiskor og 23 puntos sa second half aron pangulohan ang Orange samtang ang konsehal sa lungsod sa Borbon nga si Roy Melgo mitampo og 10 puntos. Ang Black team gipangulohan ni Ronald Libre kinsa mi-iskor og 24 puntos.

Puntos kada usa:

First Game:

Red (88) --- Abarquez 32, Igpit 15, Parantar 13, Carampil 6, Ablangue 6, Mandates 3, Cabajar 2, Sacedor 2, Lagumbay 1

Light Blue (80) ---- Abellana 45, Baldago 12, Oyao 11, Sartagoda 6, Querikiol 6, Najarro 4

Second Game:

Maroon (111) ---- Regidor 27, Nuñez 22, Lastimoso 20, Asignar 15, Gagatae 8, Lara 6, Abella 4, Vestil 4

Green (98) ---- Galinato 23, Cagalitan 22, Gappi 20, Abatayo 16, Trocio 3, alvarez 2

Third game:

Orange (81) ---- Cainglet 23, Melgo 10, Saavedra 8, Satorre 8, Honoridez 6, Noida 6, Nacua 4, Fernandez 4, Gayoso 2, Hipolito 2, Abella 2

Black (61) ---- Libre 24, Lazaga 14, Gallan 14, Adarna 7, Maribao 4, Casas 2.   (BANAT NEWS)