RP weightlifting team nihakot og medalya
CEBU - Hayag karon ang kaugmaon sa Cebuana weightlifter nga si Kelle Kay Rojas dihang miani kini og kalampusan sa bag-o palang natapos nga 2008 Asian Junior and Youth Weightlifting Championship didto sa Jeonju, South Korea.
Ang garbo sa University of Cebu (UC) mihakot og tulo ka bulawan sa 44 kilograms category sa youth division.
Gawas sa bulawang medalya, gikulit usab ni Rojas ang Philippine record sa 60 kilograms ug 75 kilograms
Laing Cebuana nga si Angelica Lado, mipakita usab sa iyang abilidad sa labing una niyang pagsalmot sa torneyo didto sa gawas sa nasud.
Si Lado kinsa produkto sa University of San Jose-Recoletos (USJR), nibingwit og tulo ka bronze medal sa junior division .
Sa iyang bahin, ang Beijing Olympian nga si Hidilyn Diaz napakyas paglangkat sa tulo ka bulawan sa iyang events. Ang lumad nga taga-Zamboanga mipupo og duha ka bulawan ug usa ka silver sa youth division.
Ang kauban ni Diaz nga si Nestor Colonia nidaog usab og tulo ka silver medal uban sa malampusong RP squad mao sila si USJ-R assistant athletic moderator. - Lemuel P. Maglinte (BANAT NEWS)
- Latest
- Trending