Hero Commando, 2-0 na sa Power 40

CEBU - Si konsehal Jojo Ibones sa Cogon, Pardo ug si Mark Genzon maoy nangulo sa Hero Commando pag-iskor og 74-69 nga kadaugan batok sa Fag Machine Shop   sa nagpadayon nga Power Forty Christmas League basketball tournament niadtong Martes sa gabii didto sa Inayawan Sports Complex.

Sila si Ibones ug Genzon pulos milansang og 18 puntos alang sa Hero Commando kinsa nagbitbit na og 2-0 nga baraha. Samtang ang Fag Machine nabitay sa kinailawmang bahin sa liderato nga wala pa makahipos og daog sa duha ka duwa.

 Sila si Peter Lalican ug   Tata Cabañero mi-iskor sab og 10 puntos matag usa alang sa Hero Commando.

 Tulo ka players sa Fag Machine ang mikulit og double figures nga gipangulohan ni Gogo Fuentes sa iyang 24 puntos.

Sa unang duwa, naka-ikyas ang Christine Traders human nila gipilde ang Park ‘N Go Bake Shop, 88-86 sa usa ka kulbahinam nga duwa.

Si Vez Eleguin maoy nangu sa Christine sa iyang 26 puntos, gisundan ni Joey Escalon sa iyang 24 puntos ug si CESAFI referee Edwin Dejacto mitampo og 15 puntos alang sa Christine nga naghupot karon og 1-1 nga baraha uban sa UTASSCO, Park ‘N Go ug Ebe & Allyn Piggery.

Sama sa naandan, si Michael Arias mao gihapon ang nangu sa pilderong Park ‘N Go sa iyang 28 puntos, gi-abagan sab siya nilang Loloy Dejarme nga miamot og 18 puntos, Melvin Layon nga mitampo og 14 puntos ug Mardy Echavez sa iyang 12 puntos.

Sa laing duwa, gilat-an sa UTASSCO Utility ang Ebe & Allyn Piggery sa iskor nga 84-68.

Ang UTASSCO ubos ni Atty. Flor Yosores, igo lang nakamaneho og otso puntos sa fourth period apan daan na silang nakapundo og daghang puntos sa halftime, 51-33.

Si Wilbor Cabrera mihakot og 23 puntos alang sa UTASSCO, samtang si Alex Mercado mitampo og 18 puntos. Ang EBE & Allyn Piggery gipangulohan nilang Carding Vernaiz ug Mark Lisondra nga adunay 17 ug 16 puntos.

Puntos Matag Usa

Unang duwa:

Christine (88) -- Eleguin 26, Escalon 24, Dejacto 15, Dela rama 11, Dumale 8, Dacalos 2, Cayacap 2

Park ‘N Go (84) -- Arias 28, Dejarme 18, Layon 14, Echavez 12, Ozon 6, Sabellano 6, Rama 2

Ikaduhang duwa:

UTASSCO (84) -- Cabrera 23, Yosores 12, Nacional 11, Batac 8, Filosopo 6, Cejudo 4, Yu 2

Ebe & Allyn Piggery (68) -- Vernaiz 17, Lisondra 16, Reyes 14, Moniva 7, Abasolo 6, Balbanera 4, Abella 2, Nuñez 2,

Ikatulong duwa:

Hero Commando (74) -- Ibones 18, Genzon 18, Lalican 10, Cabañero 10, Rosal 6, Abadejos 4, Javierto 4, Abarquez 4

Fag Machine (69) -- Fuentes 24, Abasolo 15, Tabar 12, Sabejon 6, Mosqueda 5, Ylaya 3, Villoga 2, Kalinga 2. – BANAT NEWS