Pinoy shooter wala nang pag-asa
Mula sa hindi magandang ritmo sa kanyang unang 25 shots, umuwi si Ang na bitbit ang iskor na 65, 6 birds ang kailangan para manatiling nasa kuntensiyon sa six-man finals ng trap event ng shooting competitions sa Beijing Shooting Range CTF, kahapon.
“He couldn’t get his rhythm in the first round,” patungkol ni shooting president Art Macapagal kay Ang, na nagpaputok ng 19 sa maximum score na 25 na inasinta ng tatlo sa 35-man field.
Bagamat nakabawi sa second round kung saan tinamaan niya ang 24 birds, nabigo uli ito sa ikatlong round sa kanyang 22 birds na tinamaan.
“The second round could have been perfect if he had not miscalculated one shot,” ani Macapagal.
At sa hawak na 65, naghahabol si Ang, ang 2003 Southeast Asian Games gold medallist at seventh sa mahigpitang World Cup noong 2007, kasama ang 28 pang iba na nagpaputok ng 66 birds o mas higit pa sa tatlong unang round ng kompetisyon.
Ipuputok ngayon ang huling dalawang round na ang top six ay aabante sa finals kung saan ang iskor sa final 25 birds at resulta ng qualifying rounds ang idadagdag para madetermina ang medalist. (Gerry Carpio)
- Latest
- Trending
