Kanino ang  Game One?

Sa kani-kanilang dala­wang beses na pagha­ha­rap sa elimination round,  ang mga Bulls at Ex­press ang nanaig kon­tra sa Gin Kings at Beve­rage Mas­ters, ayon sa pagkaka­su­nod.

“I think mayroon na ka­agad kaming psycholo­gical edge over them sin­ce tinalo na naming sila ng dalawang beses sa elimi­na­tion round,” wika ni coach Yeng Guiao sa 89-83 at 86-82 panalo ng kan­­yang Red Bull Bara­kos sa Barangay Ginebra ni mentor Jong Uichico.

Iginupo naman ng Air21 ni Bo Perasol ang Mag­­nolia ni Siot Tan­quing­cen, 96-90 at 90-88 pa­na­lo, sa kanilang dala­wang ulit na labanan.

Tangan ang nasabing ‘psychological advantage’ sasagupain ng Bulls ang Gin Kings  ngayong alas-6:30 ng gabi, habang ha­harapin naman ng Ex­press ang Beverage Mas­ters sa ganap na alas-4:30 ng hapon sa Game 1 ng best-of-seven semifinals series ng 2008 PBA Fiesta Conference sa Cuneta Ast­rodome sa Pasay City.

Winalis ng Ginebra ang kanilang best-of-three quarterfinals duel ng Sta. Lucia sa 2-0, samantalang umiskor naman ang Mag­nolia ng 2-1 kontra sa Co­ca-Cola para makuha ang ikatlo at ikaapat na outright semifinals seat.

Kung may ‘sandata’ mang tangan ang Gin Kings  laban sa Bulls, ito ay ang dating kamador ng huli na si Junthy Valen­zuela.

Bukod kay Valenzuela, ang iba pang nanggaling sa Red Bull ni Guiao ay sina two-time Most Va­luable Player Willie Miller ng Alaska at Rico Villa­nue­va ng Purefoods..

Naging miyembro sina Valenzuela at Villanueva ng tatlong korona ng Pho­tokina franchise.

Muling ibabandera ng Gin Kings sina seven-foot import Chris Alexander, Mark Caguioa, Jayjay Hel­terbrand, Eric Menk, Paul Artadi at Billy Mamaril la­ban kina Mexican reinfor­cement Adam Parada, Cy­rus Baguio, Leo Na­jor­da, Celino Cruz, Mick Pen­nisi at Mike Hrabak ng Bulls.