Atan-Manoys golf mosikad

Sa labing unang higayon, ang tinahod nga sports patron nga si Jonathan ‘Atan’ Guardo mopaluyo sa golf tournament pinaagi sa 1st Atan Guardo-Manoy’s Golf Tournament karong adlawa didto sa Mercedes Golf and Country Club sa Medellin sa amihanang bahin sa Sugbu.

Dul-an sa 50 ka  mga prominenting sakop sa organisasyon lakip na nilang Aster Lagura ug Toto Ursal sa kaulohan ang moapil sa usa ka adlaw nga kompetisyon nga  gipasiugdahan ni Rolly Villegas uban sa suporta ni Atan Guardo, ang honorary member sa organizing Manoys Golf Club Association.

Mga tropeyo ang ihatag ngadto sa kampiyon ug sa first runner-up ug ingon man ang magduduwa nga nakabaton og lowest gross ug lowest net.