Magnolia ubos sa Toyota

Sa kanilang 11 pagha-harap, ito pa lamang ang ikalawang pagkakataon na nanalo ang Toyota Otis laban sa Magnolia Dairy Ice Cream. 

Nagsalpak ng anim na sunod na freethrows sina Boyet Bautista, Jonathan Aldave at Fil-Am Joe De-vance sa huling 39 se-gundo para ihatid ang Sparks sa 89-85 overtime win kontra Spinners bago maghanda sa semifinal round ng 2006 PBL Unity Cup kahapon sa Olivarez College Sports Center sa Parañaque. 

Ang naturang free-throws nina Bautista, Aldave at Devance ang nagbigay sa Sparks ng 89-83 bentahe sa natiti-rang 11.8 segundo sa extra period matapos itabla ni Fil-Am Kelly Williams ang Spinners sa 83-83 sa huling 52.7 tikada. 

Ang dalawang chari-ties ni Williams, kumolekta ng 20 sa kanyang 28 produksyon sa fourth period, sa huling 39.9 segundo ang nagdala sa Magnolia sa extension, 79-79. Sa ikalawang laro, iginupo naman ng sibak nang Hapee-PCU ang Montaña Pawnshop, 78-74, para sa kanilang unang panalo sa second round matapos ang five-game losing slump. (Russell Cadayona)