Wemby nagpahigot sa Spurs
CEBU, Philippines — Ang bitoon sa NBA nga si Victor Wembanyama mipirma og long-term nga contract extension uban sa San Antonio Spurs kagahapong adlawa.
Gikompirma kini sa Spurs pinaagi sa pag-post og video sa pagpinirmahay nila og kasabotan sa ilang socia media account.
Sigun sa taho sa ESPN, ang lab-as nga kontrata ni Wemby mibalor og $252 million sud sa lima ka tuig.
"I'm here to stay. Whatever it takes," suwat pa sa 22-anyos nga garbo sa France.
Si Wembanyama mi-average og 25.0 puntos, 11.5 rebounds, 3.1 assists, 3.1 blocks ug 1.0 steals matag duwa alang sa San Antonio sa miaging season.
Ang Spurs nakaabot sa Finals human gipalayas ang Oklahoma City Thunder sa ilang trono ugaling lang kay gipildi sila sa New York Knicks.
Nasakitan man tuod sa ilang kapakyasan apan nakapadasig kini sa 7-foot-4 nga sentro nga mobalik sa kampiyonato ug hatagan og korona ang Spurs sa umaabot.
- Latest
