Super Health Center

Miabot nalang og 15 ka buwan human giturn-over sa kontraktor ang P9.9 ka milyon nga pasilidad ngadto sa lokal nga kagamhanan sa dakbayan sa Sugbo apan wala gihapon kini mapahimusli sa katawhan nga maoy benepisaryo niini.

Ang pasilidad mibarog ug humana apan wala pa kini personahi nga modumala ug mopadagan niini lakip na ang mga medical personels.

Apan dili lamang diay kini ang suliran nganong wala pa gihapon makaserbisyo ang Super Health Center nga proyekto sa Departamento sa Panglawas, problema pod diay ang mga dokumento nga gikinahanglan niini aron makapagawas na og occupsncy permit ang opisina sa Building Officials.

Nawagtang diay ang mga dokumento sa pagpabarog og pagpatrabaho sa Super Health Building? Kadanghag ba sa nagproceso ug nagkupot sa mga dokumento sa Super Health Building.

Ang Super Health Center building giturn over sa kontraktor niadto pang Mayo 5, 2025 panahon ni Mayor Raymond Garcia. Kining maong primary nga pasilidad adunay x-ray, ECG, dental care, maternity services, mental health support, botika ug laboratoryo.

Dili lang mga taga Barangay Labangon ang serbisyohan niini kun dili apil usab niini ang mga silingan nga mga Barangay.

Maayo kini nga proyekto sa Departamento sa Panglawas tungod kay naghatag kini og edipisyo ngadto sa dakbayan sa Sugbo aron mapaduol sa lokalidad ang serbisyo niini ngadto sa Barangay.

Apan ang Super Health Center nga pasilidad nahimo na hinuong Super langan tungod lang sa dokumento alang sa Building Permit nga giwagtang. Pagkadanghag.